Wasiirka Arrimaha Dibadda ee dalka Iran, Cabbaas Araghchi, ayaa Isniintii gaaray dalka Pakistan si uu dadaal ugu bixiyo xal u helidda xiisadda cirka isku sii shareereysa ee u dhaxeysa Pakistan iyo India, taasoo ka dhalatay weerar bishii hore ka dhacay gobolka lagu muransan yahay ee Kashmir, gaar ahaan dhanka ay Hindiya ka Maamusho.
Booqashadan oo noqonaysa tii ugu horreysay ee uu mas’uul ajaanib ah ku tago Pakistan tan iyo markii uu xiisaddani dib u qarxday, ayaa ujeedadeedu yahay sidii Iran ay door dhexdhexaadin ah uga qaadan lahayd xalinta muranka u dhaxeeya labada dal ee awood weyn haystana hubka Nukliyeerka.
Cabbaas Araghchi ayaa waxaa si rasmi ah ugu soo dhaweeyay garoon ku dhow magaalada Islamabad mas’uuliyiin sare oo Pakistan ka tirsan. Inta uu joogo Pakistan, wuxuu la kulmi doonaa dhiggiisa Wasiirka Arrimaha Dibadda ee Pakistan, Ishaq Dar, Madaxweynaha dalkaasi Asif Ali Zardari, iyo Ra’iisul Wasaare Shehbaz Sharif.
Ciidamada qalabka sida ee Pakistan ayaa heegan buuxa la geliyay toddobaadkii lasoo dhaafay, ka dib markii Wasiirka Golaha Xukuumadda, Attaullah Tarar, uu shaaciyay in Islamabad ay hayso sirdoon la isku halleyn karo oo muujinaya in Hindiya ay qorsheynayso weerar ka dhan ah Pakistan,
Taasoo jawaab u ah weerarkii 22-kii April ka dhacay magaalada dalxiiska caan ku ah ee Pahalgam, halkaas oo lagu dilay 26 dalxiisayaal ah, badankoodna ay ahaayeen Hinduus
Cabbaas Araghchi ayaa lafilayaa in uu sii gaaro India si xal buuxda looga gaaro xiisadaan kacsan,
India ayaa looga cabsi qabaa in ay weerar kusoo qaadan Pakistan hasi ahaate labada dal ayaa leh awood isku dhig ah, oo waxay labaduba heystaan hubka nukleer ka ah,
Iran ayaa ah hada wadanka kalia ah ee si rasmi ah booqasho ugu tagaya labada dhinac si xal buuxda looga gaaro khilaafka.
Wararka24 – Xog rasmi ah oo faahfaahin degdeg ah