Wararka24: 3-02-2026 Madaxweynaha Dowlad Goboleedka Puntland, Siciid Cabdullaahi Deni, ayaa xalay shir-guddoomiyay kulan wadatashi ah oo dhex maray Dowladda Puntland iyo mudaneyaasha Puntland ku metela labada Aqal ee Baarlamaanka Federaalka Soomaaliya.
Shirka ayaa ka dhacay xarunta Madaxtooyada ee Garowe, iyadoo qaar ka mid ah xildhibaannada ay kaga qeyb galeen hab fogaan-arag ah.
Kulanka ayaa lagu sheegay in si wadajir ah loogu adkeeyay mowqifka Puntland ee ku aaddan wax ka beddelka Dastuurka KMG ah.
War-murtiyeed laga soo saaray shirka ayaa lagu caddeeyay in Puntland ay aqoonsan tahay Dastuurka KMG ah ee lagu heshiiyay sanadkii 2012, isla markaana aysan qeyb ka noqon doonin wax ka beddel kasta oo aan heshiis qaran ku saleysneyn.
Bayaanka ayaa sidoo kale lagu sheegay in wax kasta oo laga beddelo Dastuurka iyada oo aan la helin heshiis wadajir ah ay yihiin waxba kama jiraan marka laga eego dhinaca Puntland, islamarkaana aan laga fulin doonin deegaannadeeda.
Shirkan ayaa ku soo beegmaya xilli Axaddii laga celiyay Garowe xildhibaanno ka tirsan Baarlamaanka Federaalka oo ka soo jeeda Puntland, kuwaas oo doonayay inay ka qeyb galaan kulanka uu ku baaqay Madaxweyne Deni.
Xildhibaannadaas ayaa laga mamnuucay inay ka dhoofaan Muqdisho, kaddib amar ka soo baxay guddoonka labada Aqal oo faray laamaha ammaanka in aan xildhibaan bixi karin ilaa uu helo fasax rasmi ah.
Maamulka Puntland ayaa tallaabadaas ku tilmaamay mid sii hurisay xiisadda siyaasadeed ee dalka, wuxuuna ku eedeeyay inay tahay fal ka hor imanaya xorriyadda dhaqdhaqaaqa mudaneyaasha
