Wasiir Fiqi: Puntland Waa Diiday Inay Dowladda Ka Caawiso Dagaalka Ka Dhanka Ah Daacish

Wararka Ugu Aqrintabadan

Mucaaradka oo isku abaabulay degmooyinka Muqdisho ka hor banaanbaxa berri

19 minutes ago

Farmaajo oo dowladda iyo hay’adaha amniga uga digay caburinta shacabka

29 minutes ago

Load More

Wararka24: Dowladda Federaalka Soomaaliya ayaa markii ugu horreysay shaacisay in Puntland Waa Diiday Inay Dowladda Ka Caawiso Dagaalka Ka Dhanka Ah Daacish ee ka socda gobollada waqooyi-bari ee dalka.

Wasiirka Arrimaha Dibadda Soomaaliya, Danjire Axmed Macallin Fiqi, ayaa sheegay in Madaxweynaha Puntland, Saciid Deni, uu diiday in dowladda federaalka ay gacan ka geysato dagaalka socda. “Waxaan haynaa caddeymo muujinaya in dowladda albaabada laga xirtay, iyadoo haddana nalagu eedeynayo inaanan kaalin ka qaadan dagaalka,” ayuu yiri Wasiir Fiqi, isagoo maamulka Puntland ku eedeeyay in ay xannibeen kaalmada dowladda federaalka.

Hadalkan ayaa kusoo beegmaya xilli dowladda federaalka lagu dhaliilayo in aysan qaadan doorkii looga baahnaa dagaalka socda.

Inkasta oo uu jiro khilaaf siyaasadeed oo labada dhinac u dhexeeya, haddana waxa loo baahnaa in la iska kaashado dagaalka lagula jiro kooxaha argagixisada ah ee dalka dhibaateynaya. Waa masuuliyad saaran qof kasta in uu gacan ka geysto difaaca amniga qaranka.

Wasiirka Arrimaha Dibadda wuxuu xusay in ay hayaan caddeymo cad, ayna Puntland diiday in dowladda federaalka ay ka caawiso dagaalka, inkastoo ay hore u jirtay xiisad siyaasadeed oo u dhaxeysay labada dhinac.