Laascaanood – Danjire Cabdixakiin Camay, oo hore u soo noqday Madaxweyne Ku-xigeenka Puntland, ayaa si kulul uga hadlay doorashadii dhowaan lagu doortay hoggaanka cusub ee maamulka Waqooyi Bari.
Camay ayaa sheegay in Firdhiye aysan dooran beesha Dhulbahante ee uu matalo, balse ay doorteen Warsangeli oo uu ku eedeeyay in badankood ay soo doonteen lacag ay ku doonayaan inay ku tahriibaan.
Wuxuu intaas ku daray in Madaxweyne Firdhiye iyo Madaxweyne ku-xigeenkiisa Abwaan aysan si dhab ah u wada shaqayn doonin, isagoo tilmaamay in arrintaasi u muuqato “prank” siyaasadeed.
Sidoo kale, Camay ayaa ku adkeystay in beesha Warsangeli aysan mar dambe heli doonin fursad kale oo hoggaamineed ama xil sare, isagoo hadalkiisa ku muujiyay dhaliil iyo niyad-jab ku wajahan qaabka loo maray doorashada hoggaanka cusub ee Waqooyi Bari.
Hadallada Danjiraha ayaa kusoo beegmaya xilli hoggaanka cusub ee Firdhiye iyo ku-xigeenkiisa Abwaan ay weli ku jiraan marxalad adag oo lagu dhisayo hay’adaha maamulka, halka siyaasiyiin iyo madax kale ay si kala duwan uga falcelinayaan habkii doorashada loo qabtay. Hoss ka daawo Daljir Media
