Hargeysa- Somaliland ayaa sheegtay in baasaboorkeeda lagu tegi karo dalka Maraykanka, iyadoo dal-ku-galka (Visa) lagu qaadanayo safaaradaha Maraykanka ee ku yaalla Itoobiya, Jabuuti iyo Kenya. Sida ay shaacisay Wasaaradda Arrimaha Gudaha Somaliland, tallaabadani waxay muujinaysaa in baasaboorka Somaliland loo adeegsan karo socdaallo caalami ah, inkasta oo aan weli si rasmi ah loo aqoonsan.
Wasaaraddu waxay sheegtay in muwaadiniinta doonaya inay safraan ay si caadi ah uga codsan karaan fiisaha safaaradahaas, isla markaana baasaboorka Somaliland lagu tixgelin doono marka fiisaha la saarayo. haddana aqoonsiga baasaboorka Somaliland weli si rasmi ah looma xaqiijin..
