LAASCAANOOD — Madaxweynaha SSC-Khaatumo Cabdiqaadir Axmed Aw Cali Firdhiye ayaa jawaab kulul siiyay beesha Warsangeli oo diiday inay ku biirto maamulkiisa.
“Sanaag waa SSC Khaatumo, dhulku ma guuro ee dadkaa guura,” ayuu yiri Firdhiye isagoo ka jawaabaya diidmada qaar ka mid ah odayaasha Sanaag iyo Haylaan.
Odayaal ka tirsan gobolka Sanaag ayaa bayaan soo saaray oo ay ku diideen in deegaankooda lagu daro maamulka SSC-Khaatumo. Waxay sheegun in aysan ka qeyb qaadan doonin hawlaha maamulka.
Firdhiye ayaa xoogga saaray in gobollada Sool, Sanaag iyo Cayn ay yihiin kuwo isku xiran oo aan la kala sooci karin. Wuxuu sheegay in dadka kaliya ay tahay kuwa guura ee dhulka uu meeshiisa ku sii jiro.
Khilaafka ayaa imanaya xilli shir weyn lagu qaban doono Laascaanood todobaadka soo socda. Shirkani wuxuu ku saabsan yahay mustaqbalka gobolladaas.
Maamulka SSC-Khaatumo ayaa sheegaya inuu maamulo gobollada Sool, Sanaag iyo Cayn. Laakiin qaar ka mid ah beelaha gobolka Sanaag ayaa ka soo horjeeda maamulkaas.
Firdhiye ayaa horey u sheegay in aysan jirin wax diid ah oo ka yimaada dadka deegaanada SSC. Wuxuu sheegay in dadka kaliya ay tahay kuwa dooranaya in ay meeshaas ka guuraan.
