Wasiirka Maaliyadda Soomaaliya Biixi Imaan Cige ayaa la guddoonsiiyay abaalmarinta Wasiirka Maaliyadda ugu wanaagsan Africa. Abaalmarintan ayaa ku timid labo sano kaliya kadib markii uu xilka la wareegay.
Wasiir Biixi ayaa July 2023 noqday Wasiirka Maaliyadda, wuxuuna hoggaamiyay isbeddel weyn oo ku yimid Guud ahaan dhaqaalaha maaliyadeed ee dalka. Muddo kooban gudihiis ayuu ku guuleystay arrimo muhiim ah.
December 2023, Soomaaliya ayaa heshay cafis deyn ah $4.5 billion oo dollar kadib markii ay buuxisay shuruudahi laga rabay ee HIPC Initiative. Taasi waxay noqotay guul taariikhi ah oo dalka u horseeday fursado cusub.
Hoggaanka Wasiir Biixi ayaa dakhliga gudaha ee dawladda somalia uu kordhay 30% mudo koban gudahood. Kobocaasi waxa uu ka dhashay casriyeynta nidaamka canshuuraha iyo maamulka maaliyada oo uu oo xoojiyay wasiirka.
Wasiirka ayaa sidoo kale guddoomiye u noqday Ururka Horn of Africa Initiative muddo laba sano ah laga bilaabo April 2025. Taasi waxay muujinaysaa sida looga aqoonsanyahay gobolka oo dhan.
Khubaro dhaqaale ayaa sheegay in guulaha uu Wasiir Biixi gaadhay ay tusaale u yihiin dalalka kale ee Africa. Waxay xuseen gaar ahaan cafiska deynta iyo koboca dakhliga gudaha.
Abaalmarintan ayaa xoojinaysa mawqifka Soomaaliya ee caalamka iyo suurtagalnimada helitaanka maalgelinta mustaqbalka. Waxay sidoo kale muujinaysaa horumarrada laga sameeyay dhismaha dawladnimada.
