LAASCAANOOD — Saddexdi musharaxa ee ugu caansan tartanka madaxweynaha SSC-Khatumo ayaa goordhow si wadajir ah warbaahinta ula hadli doona. Kulanka ayaa la filayaa inuu ka dhacdo xarunta warbaahinta gobolka.
Musharaxiinta ka qaybgalaya ayaa ah Cabdirisaaq Khaliif, Bashiir Xaaji Cali iyo Maxamed Cabdi Ismaaciil Shiine. Saddexduba waxay ka mid yihiin musharaxiinta ugu codadka badan ee tartanka.
Wararka soo baxaya ayaa sheegaya in shirka warbaahinta ay manta qaban doonan uu ku saabsan yahay barnaamijyadooda siyaasadeed ee musharaxiinta. Waxaa sidoo kale la filayaa inay ka hadlaan Qaabka doorashada soo socota.
Kulanka ayaa yimid xilli doorashada madaxweynaha SSC-Khatumo ay aad usoo dhawaatay. Golaha deegaanka ayaa jadwalka u qorsheeyay isla bishan soo socota.
Musharaxiinta ayaa muddooyinkii dambe kulamo gaar gaar ah la yeeshay beelaha kala duwan ee SSC-Khatumo. Waxay soo bandhigeen barnaamijyadooda siyaasadeed.
Dadweynaha ayaa si weyn u sugaya waxa ay musharaxiintu ka odhan doonaan arrimaha muhiimka ah sida amniga, horumarinta dhaqaalaha iyo dhismaha dawladnimada.
Shirka warbaahinta ayaa fursad u noqon doona dadweynaha inay si toos ah u dhageystaan qorshayaasha musharaxiinta.
