ISLAMABAD — Dowladda Pakistan ayaa ku dhawaaqday inay Trump u magacaabayso abaalmarinta nabadda ee Nobel 2026.
Go’aankan ayaa yimid laba maalmood kadib markii Trump uu la kulmay taliyaha ciidanka Pakistan Asim Munir. Kulanka ayaa ka dhacay Aqalka Cad Arbacadii.
Pakistan waxay sheegtay in Trump uu ka hortagay dagaal weyn oo India iyo Pakistan dhexmaray May 2025. Dagaalku wuxuu socday afar maalmood kadib weerar argagixiso ka dhacay Kashmir.
“Trump wuxuu muujiyay hoggaamin muhiim ah oo waxa uu ka hortagay dagaal gobolka,” ayay qortay dowladda Pakistan barteeda X (Twitter).
Waqtiga Dowladda Pakistan ay abaalmarintan u magacaabayso Trump, ayaa waxaa socda dagaaka u dhaxeeya Israel iyo Iran. Trump wuxuu taageeray duqaymaha Israel ee Iran.
Trump wuxuu sheegay inuu go’aan ka gaari doono laba toddobaad ee soo socda gudahood haddii uu ka qayb qaadanaayo duqaymaha Iran iyo inkale. “Waxaa jira fursad wada hadal oo lala yeelanaayo Iran,” ayuu yiri Trump.
Safiirka Pakistan ee UN ayaa sheegay inay rajeynayaan in madaxweyne Trump inuu xal nabadeed ka gaaro khilaafka Israel iyo Iran. “Trump waa nabadeeye,” ayay tiri safaaradda.
Iran iyo Pakistan waxay leeyihiin xiriir adag. Labada dal ayaa ah jamhuuriyado Islaam ah. Iran waa Shiico halka Pakistan ay tahay Sunni.
Dowladda Pakistan ayaa la tuhmaa inay ka caawisay Iran barnaamijka nukliyeerka.
Abdul Qadeer Khan oo dhintay 2021 ayaa qirtay inuu teknolojiyada nukliyeerka siiyay Iran.
January 2024 ayaa xiisad dhexmartay labada dal. Iran ayaa gantaalo ku dhuftay Pakistan kadib weerarkii ISIS. Pakistan ayaa jawaab celisay.
Pakistan waxay mar walba cambaaraynaysaa Israel. Ma jirto xiriir diblomaasiyad oo u dhexeeya Pakistan iyo Israel. Pakistan waa dalka kaliya ee Muslimiinta ah ee leh hub nukliyeer.
Trump wuxuu isku dayay inuu xiriir wanaagsan la yeesho India iyo Pakistan. Wuxuu la kulmay Modi saddex jeer. Vance ayaa booqanayay India markii weerarkii bishi shanaad ee May dhacay.
Trump wuxuu Jimcaha ka hadlay fursadaha ganacsi ee India iyo Pakistan. “Waxaan la samaynaa heshiisyo ganacsi labada dal,” ayuu yiri.
