Maamulka Jubaland ayaa maanta ku dhawaaqay in ay dib u eegis ku sameynayaan xiriirkooda dowladda federaalka Soomaaliya. Jubaland ayaa sheegtay in go’aankan uu ka dambeeyay khilaafaadka siyaasadeed ee sii kordhayay ee u dhexeeya mamulka iyo dowlada.
Mamulka Kismaayo ayaa tilmaamtay in ay diyaar u yihiin wadahadal balse ay ku adkeysanayaan xuquuqdooda dastuuriga ah.
Xukuumadda Kismaayo ayaa ku eedeysay dowladda federaalka inay faragelin ku hayso arrimaha gudaha ee maamulka. Waxay sheegeen in taasi ay ka hor imaanayso heshiiskii federaalka.
Khilaafka hadda taagan ayaa xoogeystay kadib doorashadii November ee madaxweyne Axmed Madoobe loo doortay mar saddexaad. Dowladda federaalka ayaa ku tilmaamtay doorashadaas mid sharci darro ah.
Axmed Madoobe ayaa horay u sheegay in maamulkiisu uu xaq u leeyahay inuu go’aamiyo mustaqbalkiisa siyaasadeed. Wuxuu ku eedeeyay Muqdisho inay isku dayeyso inay wiiqdo madax-bannaanida Jubaland.
Maamulka ayaa sheegay in ay doonayaan xal nabadeed balse aysan aqbali doonin in lagu xad-gudbo xuquuqdooda. Waxay ku baaqeen in wadahadal dhab ah la furo.
