Jeneral Maxamed Siciid Xirsi Morgan oo ahaa wasiirkii u dambeeyay ee difaaca Soomaaliya, ayaa ku geeriyooday magaalada Nairobi ee Kenya 28-kii May. Wuxuu jiray 76 sano.
Maydka marxuumka ayaa weli ku jira meel, kadib markii ehelladiisa isku khilaafeen goobta lagu aasayo.
Carruurtiisa iyo xaaskiisa ayaa doonaya in lagu aaso dalka Cumaan oo ay ku nool yihiin. Maamulka Puntland ayaa se doonaya in lagu aaso dhulkooda.
General Morgan wuxuu u shaqeynayay madaxweynaha Puntland saciid deni isagoo la taliye dhinaca amniga u ahaa intiu uu noolaa.
Wuxuu dareemay xanuun caloosha ah markuu booqanayay Boosaaso, kadibna waxaa loo qaaday Nairobi si daaweyn loogu sameeyo.
Siyaad Cali Jaamac oo ah siyaasi reer Puntland ah oo qoyska ka tirsan ayaa dhaleeceeyay khilaafka jira.
Wuxuu su’aal ka keenay sababta qoysku uga soo horjeedo in marxuumka lagu aaso dalkiisa, waa tii madaxweyne Siyaad Barre lagu aasay meeshii uu ku dhashay kadib markii uu dibadda ku dhintay.