Algiers, Algeria – Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya, Mudane Sheekh Aadan (Madoobe) Maxamed Nuur, ayaa jimcihi gaaray magaalada Algiers, caasimadda dalka Algeria, halkaas oo uu uga qeyb galay Shirka Guddoomiyayaasha Baarlamaanada Garsoorka.
Wafdiga uu hoggaaminayo Guddoomiyaha ayaa si diiran loogu soo dhoweeyay garoonka diyaaradaha ee Algiers, waxaana halkaas kusoo dhaweeyay Guddoomiyaha Baarlamaanka Algeria, Mudane Ibrahim Boughali, xubno ka tirsan Baarlamaanka dalkaas iyo Safiirka Soomaaliya u fadhiya Algeria, Danjire Yuusuf Axmed Xasan (Yuusuf Jeego).
Aadan Madoobe ayaa lagu wadaa inuu khudbad ka jeediyo shirka, isaga oo si gaar ah uga hadli doona muhiimadda shirkan uu u leeyahay Soomaaliya iyo doorka ay dowladda Soomaaliya ka qaadaneyso arrimaha Carabta, gaar ahaan xaaladda ka taagan Falastiin oo kamid ah qodobada ugu waa weyn ee diiradda la saari doono.
Inta uu ku sugan yahay Algeria, Guddoomiyaha Golaha Shacabka ayaa sidoo kale kulamo gaar gaar ah la yeelan doona madaxda sare ee dalka Algeria iyo Guddoomiyeyaasha Baarlamaanada Carabta ee ka qeyb galaya shirka.
Wararka ku saabsan shirkan iyo kulamada uu Guddoomiyaha Golaha Shacabka Aadan Madoobe la yeelan doono madaxda kale, kala soco Wararka24.
NISA oo sheegtay inay duqeyn ku dishay 12 xubnood oo Al-Shabaab ah
ShareWararka24: Hay’adda Sirdoonka iyo Nabadsugidda Qaranka Soomaaliya (NISA) ayaa sheegtay in 12 xubnood oo ka tirsan Al-Shabaab lagu dilay howlgal qorshaysan oo ka dhacay deegaanka Bur-Saruur ee gobolka Shabeellaha Dhexe. NISA ayaa sheegtay in howlgalka, oo ay hay’addu sheegtay inay ka qeyb qaateen saaxiibada caalamka, lagu bartilmaameedsaday goob ay ku urursanaayeen xubno ka tirsan Al-Shabaab.…
Xamza Cabdi Barre oo sameeyay magacaabis cusub + sawiro
ShareWararka24: Ra’iisul Wasaaraha Xukuumadda Federaalka Soomaaliya, Xamza Cabdi Barre, ayaa sameeyay magacaabis cusub oo lagu buuxinayo xilalka agaasimeyaasha guud ee laba wasaaradood oo ka tirsan dowladda federaalka. Wareegto uu soo saaray Ra’iisul Wasaaraha ayaa Cabdullaahi Ibraahim Cabdi loogu magacaabay Agaasimaha Guud ee Wasaaradda Tamarta iyo Kheyraadka Biyaha, halka Axmed Yuusuf Cabdulle loo magacaabay Agaasimaha Guud…
Guddiga Shaqaalaha Rayidka oo hakiyay hannaankii tartanka furan
ShareWararka24: Guddiga Qaranka ee Shaqaalaha Rayidka Dowladda Federaalka Soomaaliya ayaa hakiyay shaqooyin la xayeysiiyay oo la xiriiray xilalka Agaasimeyaasha Waaxda Maamulka Shaqaalaha, kaddib qaraar uu Golaha Shacabka ku laalay hannaankii tartanka furan ee uu dhawaan amray Ra’iisul Wasaare Xamsa Cabdi Barre. Golaha Shacabka ayaa 23-kii Sebtembar ansixiyay qaraar uu ku laalay Xeer Lr. 132 iyo…
