Wasaaradda Shaqada iyo Arrimaha Bulshada ee Jamhuuriyadda Federaalka Soomaaliya ayaa maanta magaalada Nairobi ku qabatay Shirka 5-aad ee Madasha Dowladda Federaalka iyo Dowlad-Goboleedyada ee Mashruuca SERP (Somalia).
Shirka waxaa si rasmi ah u furay Wasiirka Wasaaradda Shaqada iyo Arrimaha Bulshada XFS, Prof. Saalim Caliyow Ibrow. Ajendaha kulanka ayaa diiradda saaraya dib-u-habaynta Adeegga Dadweynaha, horumarinta nidaamka HRMIS, dardargelinta hirgelinta howlaha socda, iyo xallinta caqabadaha hortaagan fulinta mashruuca.
Kulanka waxaa ka qeybgalaya Wasiirrada Wasaaradaha Shaqada iyo Arrimaha Bulshada ee Dowlad-Goboleedyada, Guddiga Qaranka ee Shaqaalaha Rayidka Dowladda Soomaaliya (heer Federaal iyo heer Dowlad-Goboleed), iyo hay’adaha ka shaqeeya Mashruuca SERP.
Shirkan ayaa lagu wadaa in laga soo saaro go’aanno lagu dardargelinayo casriyeynta adeegga dadweynaha iyo mideynta hab-maamulka shaqaalaha rayidka ee dalka.
