Wararka24: Qatar iyo Masar ayaa ku dadaalaya inay badbaadiyaan heshiiska xabad joojinta Gaza iyo maxaabiis is dhaafsiga ee u dhexeeya Israel iyo Xamaas, kaas oo qarka u saaran in uu burburo. Dalalka dhexdhexaadiyeyaasha ayaa Caasimadda Qaahira ku qabanaya kulamo lagu xaqiijinayo inaysan burburin xabad joojinta Gaza.
Ururka Xamaas ee Falastiin ayaa sheegay in wafdiga ku metelaya wada hadalada ay Arbacadii gaareen dalkaasi Masar. Xamaas ayaa sidoo kale sheegtay in ergadeeda ay kulamo la leeyihiin masuuliyiinta, si ay u kormeeraan dhaqangelinta heshiiska xabad joojinta.
Xamaas waxay Israel ku eedeysay inaysan si sax ah ugu hoggaansamin fulinta qodobada heshiiska. Xalay, Xamaas ayaa soo saartay bayaan ay ku sheegtay inaysan wax dheg jalaq ah u siin doonin hanjabaadaha uga imanaya Mareykanka iyo Israel, haddii aysan maxaabiista oo idil Sabtida sii deynin.
Madaxweyne Donald Trump ayaa Xamaas ugu hanjabay in Israel ay ka bixi doonto heshiiska, isla-markaana ay cadaab dhici doonto, haddii aanay maxaabiista oo dhan sii deynin duhurnimada Sabtida.
Raysal Wasaare Benjamin Netanyahu ayaa ku hanjabay in Israel ay dagaal adag ka bilaabi doonto Marinka Gaza, haddii aan la soo sii deyn maxaabiista looga haysto gudaha Gaza. Israel Katz, Wasiirka Difaaca Israel, ayaa Arbacadii ku goodiyay tallaabo militari oo ka dhan ah Gaza, haddii Xamaas ay ku guuldareysato sii deynta maxaabiista.
Qatar iyo Masar ayaa laga soo xigtay inay xoojinayaan doorkooda diblomaasiyadeed,
(Qatar iyo Masar) ayaa dadal ugu jiro si aysan u burburin xabad joojinta Gaza. Labada dal ayaa muddo dheer dhexdhexaadinayay Xamaas iyo Israel, waana labada dal ee keliya ee martigeliya kulamada lagu dhexdhexaadinayo.
Shacabka Israel ayaa ka bannaanbaxaya ayago u cabsi qabo dadkooda lagu haysto Gaza, iyagoona xukuumadda ku cadaadinaya in ay si dhameystiran u fuliso heshiiska, si qoysaska iyo ehelada ay ugu suurtagasho inay dib ula midoobaan xubnaha ka maqan.
Dagaalka Koonfur Galbeed oo xiisad abuuray Soomaaliya iyo Kenya
Dagaalka Koonfur Galbeed ayaa xiisad ka dhex abuuray Soomaaliya iyo Kenya, kaddib eedeymo la xiriira Laftagareen oo ku sugan Nairobi.
Flavio Bolsonaro oo Brazil ka baxay, Mareykanka oo fiise siinaya
Flavio Bolsonaro ayaa la sheegay inuu Brazil uga baxay Mareykanka kaddib guuldarradii doorashada, Washington-na fiise ayay siinaysaa.
Doorashada Israa’iil: Netanyahu iyo Eisenkot oo isku dhow
Doorashada Israa’iil ayaa u muuqata mid aan cidna ku guuleysan, iyadoo garabka Netanyahu iyo kan Eisenkot ay isku dhow yihiin.
