Garoowe – Puntland ayaa dowladda federaalka Soomaaliya ugu baaqday in dib loo soo celiyo wada-shaqeynta labada dhinac, si loo joojiyo khilaafka siyaasadeed ee muddooyinkan soo jiitamayay.
Wasiirka Tamarta, Macdanta iyo Biyaha Puntland, Liibaan Muuse Boqor, ayaa sheegay in mashaariic badan oo muhiim u ah nolosha bulshada ay hakadeen, islamarkaana ay lagama maarmaan tahay in la furo dariiqyo iskaashi si adeegyada iyo horumarka shacabka loo dardar geliyo.
Khilaafka siyaasadeed ee u dhexeeya Madaxweynaha Soomaaliya Xasan Sheekh Maxamuud iyo Madaxweynaha Puntland Saciid Deni ayaa socday ku dhowaad saddex sano, waxaana uu saameyn ku yeeshay adeegyada iyo mashaariicda horumarineed ee gobolka.
Saciid Deni ayaa wali ku adkeysanaya inuu u tartamo madaxtinimada dalka, halka dowladda federaalka ay wado qorshaha doorashada qof iyo cod ah oo ay mucaaradku ku dhaliilayaan halka la cadeeyey in madax weynaha uu hada kalaabtay goaankaa laguna laaban doono teendadi.
Dalabka Puntland ayaa loo arkaa mid dib ugu furaya albaabadi ay iska hirtay, kaas oo muhiim u noqon kara dejinta xiisadda siyaasadeed iyo horumarinta iskaashiga u dhexeeya labada dhinac. maamulka Deni oo cadeysay in aan laga maarmi karin dowlada federaalka..
