Wararka24: Taliyaha Hay’adda Sirdoonka iyo Nabadsugidda Qaranka Mahad Maxamed Salaad ayaa maanta gaaray magaalada Baydhaba ee xarunta gobolka Baay, halkaas oo ay ka socdaan dhaqdhaqaaqyo siyaasadeed iyo amni.
Mahad Salaad ayaa ka baxay Muqdisho isagoo ay wehlinayaan saraakiil ka tirsan NISA, waxaana si rasmi ah loogu soo dhaweeyay magaalada.
Taliyaha ayaa ku biiraya mas’uuliyiinta dowladda federaalka ee ku sugan Baydhaba, kuwaas oo ku howlan dhismaha maamulka cusub ee Koonfur Galbeed kadib isbeddelkii hoggaanka.
Horay waxaa magaalada ugu sugnaa taliyeyaasha ciidamada Xoogga Dalka, Booliska iyo mas’uuliyiin kale oo amni, kuwaas oo la kulmay ciidamada si loo xoojiyo kala dambeynta.
Wararka ayaa sheegaya in ciidamada NISA ay door weyn ku leeyihiin sugidda amniga madaxweynaha iyo xasillinta guud ee magaalada.
Dadaallada socda ayaa diiradda saaraya hirgelinta qorshaha dowladda ee doorasho qof iyo cod ah oo laga qabto Koonfur Galbeed.
