Madaxweynahii hore ee Soomaaliya, Maxamed Cabdullaahi Farmaajo ayaa si kulul uga hadlay weerarka maleeshiyada Al-Shabaab ku qaadeen Hotel Qaahira ee magaalada Beledweyne.
Maxamed Cabdullaahi Farmaajo: “Weerarku wuxuu muujinayaa cadowtinimada argagixisada”
Madaxweynihii hore, Farmaajo, ayaa weerarkan ku tilmaamay mid muujinaya cadowtinimada ay Al-Shabaab u qabaan shacabka Soomaaliyeed, xilli lagu guda jiro bisha barakeysan ee Ramadan. Qoraal uu madaxweyne farmaajo soo dhigay barahiisa bulshada ayuu ku yiri:
“Falkan arxan darrada ah waxa uu ka tarjumayaa bahalnimada iyo cadowtinimada ay argagixisadu u qabaan ummadda Soomaaliyeed, iyaga oo caadeystay daadinta dhiigga xurmada leh ee shacabkeenna, xilligan oo weliba lagu guda jiro bisha barakaysan ee Ramadan,” ayuu yiri Farmaajo.
Wuxuu ugu baaqay shacabka Soomaaliyeed in meel looga soo wada jeesto Al-Shabaab si loo helo nabad waarta iyo dowladnimo buuxda.
“Waxaan ku baaqayaa in loo midoobo ciribtirka cadowgan arxanka daran, si Soomaaliya ay u hesho nabad waarta, dadkeenuna ay ugu noolaadaan sharaf iyo qaranimo buuxda. ayuu yiri”
Al-Shabaab oo sii wadda weerarradooda iyado malinti labaad kadhex dagaalamaya hotel Qaahira
Al-Shabaab ayaa marar badan weerarro ka fulisay Beledweyne, iyagoo si gaar ah u beegsada cid kasta oo taageersan dowladnimada ama ka hor timaada fikirka ay ku dhisan yihiin. Weerarkan ayaa qeyb ka ah weerarro xiriir ah oo kooxdaasi ka fulisay gudaha dalka bishaan gidaheeda.
📌 Wararka24 – Xog rasmi ah & Faahfaahin degdeg ah
