Jamhuuriyadda Federaalka Soomaaliya ayaa si adag u cambaaraysay qarax ka dhacay masaajid ku yaalla xaafadda Tarlai ee magaalada Islamabad, xilli lagu guda jiray salaaddii Jimcaha, kaas oo sababay khasaare naf iyo mid dhaawac ah.
Bayaan kasoo baxay Dowladda Federaalka Soomaaliya ayaa lagu muujiyay tacsi iyo murugo ku aaddan shacabka iyo dowladda Jamhuuriyadda Islaamiga ah ee Pakistan, iyadoo tacsi tiiraanyo leh loo diray qoysaska dadka ku dhintay qaraxa, loona rajeeyay caafimaad degdeg ah dhammaan dadka ku dhaawacmay.
Dowladda Soomaaliya ayaa sheegtay in ay si buuxda u garab taagan tahay Pakistan xilligan adag, isla markaana ay si kulul u diiddan tahay dhammaan falalka rabshadaha ah ee lagu beegsado rayidka iyo goobaha cibaadada.
Bayaanka ayaa mar kale adkeeyay mowqifka Soomaaliya ee ku aaddan taageerada dadaallada lagu ilaalinayo nabadda, amniga iyo wada-noolaanshaha bulshada.
