7da khalad ee ay dadka badankood gaar ahaan somalida suubiyaan, markay isticmalayaan toonta, kuwaas oo kala ah in Toonta oo lagu keydiyo qaboojiyaha, shiilidda goor hore ama kafiqida maqarka kore waxay ka saari kartaa carafta udgoon ama waxay ka dhigi kartaa mid guban oo qadhaadh ah.
Toontu waa wax caadi ah oo laga helo jikooyinka, badankood laakiin si khaldan loo isticmaalo mar walbo, taas oo yareyn kartaa dhadhankeeda iyo qiimaha nafaqada ku jirta toonta.
Kuwa soo socda waa khaladaadka caadiga ah ee dadku sameeyaan marka ay la macaamilayaan toonta, sida laga soo xigtay daabacaadda cuntada ee Tasting Table.
1. Toonta oo lagu keydiyo qaboojiyaha
Dad badan ayaa ku keydiya toonta qaboojiyaha, balse tani ma fiicna. Qabowga iyo huuradu waxay dedejiyaan biqilka, halka hawada qalalan ay ka dhigto toon jilicsan oo dhadhan la’aan ah.
Habka saxda ah: Toonta ku keydi heerkulka qolka, meel qabow oo hawo leh, kana fog qorraxda. Bacaha shabaqyada leh ama dambiilaha furan ayaa ku habboon.
2. Toonta oo la tuuro marka ay cagaar noqoto..
Toonta mararka qaar cagaar baynoqotaa marka lagu daro maraqyo qaarkood. Dad badan waxay u haystaan inay sun tahay, balse arrintaasi sax ma aha.
Midabka cagaaran waa fal-celin dabiici ah oo u dhaxeysa walxaha toonta iyo asiidhyada, mana saameyso badqabka ama dhadhanka. Dalal qaar, toonta cagaaran waa cunto caadi ah.
3. Toonta oo mar walba si isku mid ah loo jarjaro
Habka loo jaro toonta wuxuu si toos ah u saameeyaa xoogga dhadhankeeda. Marka la burburiyo ama si aad ah loo shiido, dhadhankeeda wuu sii xoogeysanayaa.waxaa larabaa toon la burburiyaysi loo helo maraqyo iyo suugo culus
4. Marka loo bahan yahay in laga tago qobka cagaaran ee toonta
qobka cagaaran ee ku jira toonta duuga ah ma aha sun, balse wuxuu keenaa dhadhan qadhaadh ah.
Si dhadhan fiican loo helo, gaar ahaan suugo iyo cuntooyin fudud, waxaa fiican in qobka laga saaro ka hor inta aan la karinin.
5. Adeegsiga toon jarjaran marka hilib la dubayo
Toon si fiican loo jarjaray waxay ku dhegtaa hilibka, si degdeg ah ayeyna u gubataa inta hilibku wali karin, taasoo keenta dhadhan qadhaadh.waxaa saxan in Toon si fudud u burburisa, ka soo saarta casiirka, kuna darta maraqa, ka dibna ka saar xabagta, ama isticmaal toon budo ah.
6. Toonta oo goor hore lagu daro digsiga
Toonta si degdeg ah ayey u gubataa. Haddii lagu daro saliid kulul ka hor inta aan wax kale lagu darin, si sahlan ayey u madoobaataa.Waxaa saxan in Marka hore ku dar basasha ama khudaarta. Marka ay ku dhowaadaan dhammaadkooda, ku dar toonta. Waxay u baahan tahay 30 ilbiriqsi ilaa hal daqiiqo oo keliya.
7. Toonta oo lagu shiilo kuleyl aad u sarreeya
Kuleylka badan wuxuu gubaa toonta ka hor inta aysan soo deyn carafteeda, wuxuuna keenaa qadhaadh iyo walxo aan caafimaad u fiicnayn.
Toonta waa in lagu kariyaa kuleyl dhexdhexaad ama hoose. Tani waxay u oggolaanaysaa sonkorta dabiiciga ah inay si tartiib ah u karto, taasoo keenta midab dahab ah iyo caraf macaan.
waxaa loo bahanyahay inad sida saxda ah u isticmasho toonta marwalba
