Addis Ababa- (Wararka24)- 23 xildhibaan oo ku matala shacabka Deegaanka Soomaalida ayaa lagu dhaliilay inaysan maanta su’aal la xiriirta danaha deegaanka ka weydiin Ra’iisul Wasaaraha Itoobiya abiy axmed ali intii uu socday kalfadhiga Golaha Wakiillada shacabka ee dalkaas.
Inkasta oo xildhibaanno badan oo ka kala socday deegaanada kale ay weydiiyeen su’aalo ku saabsan arrimaha siyaasadda, dhaqaalaha iyo adeegyada bulshada, haddana ma jirin hal xildhibaan oo Soomaali ah oo su’aal ka keenay arrimaha khayraadka dabiiciga ah ee deegaanka.
Dad badan oo ku sugan Deegaanka Soomaalida ayaa arrintan u arkay mid niyad-jabin ah, maadaama ay rumeysan yihiin in xildhibaannadu ka gaabiyeen difaacista danaha shacabka ay matalaan, gaar ahaan saamiga ay Soomaalidu ka helaan khayraadka shidaalka ee deegaanka.
Mid ka mid ah xildhibaannada Soomaalida ee fadhiyay kalfadhiga ayaa sheegay in nidaamka su’aalaha uu yahay mid kooban, islamarkaana la siiyo makarafoonka kaliya xildhibaanada codsiyadooda la aqbalo. Wuxuu xusay in xildhibaanadii Soomaalida aysan helin fursad ay su’aal ku weydiiyaan Ra’iisul Wasaaraha.
Arrintan ayaa dhalisay dood iyo su’aalo ka imaanaya shacabka deegaanka, kuwaas oo isweydiinaya sababta aan xildhibaannada Soomaalida looga maqlin hal cod oo ka hadlaya xuquuqda iyo saamiga ay ku leeyihiin khayraadka dabiiciga ah ee dhulkooda.
Arintan dad badan ayaa baraha bulshada ugu fal ciliyey, Carab Shugri Korme Ayaa yidhi Ayay matalaan hadii ayaana shacabkii ay ka soo baxeen ayna u hadlaynin waa yaabe
Abdinasir Dakane ayaa isna yidhi Soo isaga hortooda Abiye ka lahaa Dire Dawa EPRDF ayaa Halkaa gaysaye waa Dhul Oromo, Aslanba Shuruudaha aynu xildhibaanada ku xulano ayaa ah Ka qayb gal la’aanta doodaha Masiiriga ah iyo Garab orodka kacaanka xilka haya kolba Xitaa haduu Cadaabta inoo wad.
Aden Mohamuod ayaa yidhi Waa arinta aan maanta dhan iswaydiinyay markaa meesha waxaa kacad inayna soomalidu matalaad hayzan
