Kudar Wararka24 GoogleKa dhig Wararka24 il aad door bidayso Google si aad u aragto wararkayaga marka hore.
Djibouti – Dowladda jabuuti ayaa sheegtay in ciidamadu ay gacanta ku dhigeen dablay hubeysan oo saaka dhac u geystay xarunta Salaam Bank ee ku taala gudaha magaalada Djibouti, gaar ahaan qaybta Xamuudi Shopping Center.
Kooxdan hubeysan ayaa subaxnimadii Axadda weeraray ku qaaday bangiga, iyagoo bistoolado ku qabtay shaqaalaha halkaas joogay, ka dibna qaatay lacag aan weli si rasmi ah loo shaacin cadadkeeda.
Warbaahinta Dalka Jabuuti ayaa soo warisay in ciidamada ammaanku ay ku guuleysteen qabashada laba ka mid ah ragga weerarka fuliyay, halka kuwo kale ay baxsadeen, iyadoo baaritaanno lagu raadjoogayo.
Dhacdadan ayaa cabsi gelisay dadka deegaanka, waxayna dhalisay dood ku saabsan ammaanka goobaha maaliyadeed ee magaalada Djibouti.
