Hargeysa – Guddoomiyaha xisbiga UCID ee Somaliland, Faysal Cali Waraabe, ayaa ku baaqay in la tarxiilo dadka u dhashay Koonfurta Soomaaliya ee ku nool Somaliland, isagoo ku eedeeyay inay sabab u yihiin khilaaf, musuqmaasuq iyo khatar siyaasadeed.
Faysal ayaa hadalkan jeediyay isagoo sheegay in Somaliland aysan u baahnayn muwaadiniin ka yimaada Soomaaliya inteeda kale, kuwaas oo uu ku sifeeyay inay dalka u keenaan kaliya fusuq iyo khiyaano. Wuxuu ku adkeystay in loo baahan yahay tallaabooyin lagu xakameynayo dadkaas si loo ilaaliyo amniga iyo kala dambeynta gudaha Somaliland.
Hadalka Faysal Cali Waraabe ayaa dhaliyay dood xooggan oo ku saabsan xiriirka bulshada labada dhinac, iyadoo dadka qaar ku tilmaameen hadal kicin kara xiisadda,
halka taageerayaashiisu ay ku doodayaan in loo baahan yahay ilaalin dheeraad ah oo dhinaca amniga iyo qaabka uu maamulka u shaqeeyo.
