HARGEYSA — Madaxweynaha maamulka Somaliland, Cabdiraxmaan Maxamed Cabdillaahi (Cirro), ayaa ciidamada amniga faray in si deg deg ah gacanta loogu soo dhigo gacan-ku-dhiigle dilay labo wiil oo habeenkii xalay lagu dilay magaalada Hargeysa.
Madaxweynaha ayaa sheegay in falkaasi uu ahaa mid foosha xun, islamarkaana aan loo dulqaadan karin, wuxuuna amray in tallaabo deg deg ah laga qaado cid kasta oo falka ku lug leh.
Ciidamada booliska ayaa bilaabay baaritaanno, iyagoo sheegay in howlgal ballaaran uu socdo si loo soo qabto eedeysanaha.
