Wararka24: Dowladaha Mareykanka iyo Ruushka ayaa maanta shir uga furmay Magaalada Riyadh, iyadoona ajandaha ugu weyn ee shirka looga hadlayo uu yahay dagaalka Ukraine.
Dhinaca Ruushka ayaa waxaa shirka uga qaybgelaya Wasiirka Arrimaha Dibadda, Sergey Lavrov, iyo Yuri Ushakov, oo ah La taliyaha Siyaasadda ee Madaxweyne Vladimir Putin. Dhinaca Mareykankana waxaa uga qaybgelaya Wasiirka Arrimaha Dibadda, Marco Rubio, La taliyaha Amniga Qaranka, Mike Waltz, iyo Ergayga Madaxweyne Donald Trump ee Bariga Dhexe, Steve Witkoff.
Shirka Mareykanka iyo Ruushka oo uga furmay dalka Sacuudiga ayaa loogu gogol-xaaraya in nabad ay ka dhacdo dalka Ukraine,
Ka dib saddex sano oo dagaal ah. Shirkan ayaa noqonaya wada hadalkii ugu horreyay ee toos ah ee ay yeeshaan Moscow iyo Washington, tan iyo markii Ciidamada Ruushka ay duulaanka ku qaadeen Ukraine.
Shirka ayaa imanaya maalmo yar uun ka dib, markii Madaxweyne Donald Trump uu khadka teleefanka kula hadlay dhiggiisa Ruushka, isla markaana ay isku waafaqeen in la bilaabo dadaalo diblomaasiyadeed oo lagu soo afjarayo colaadda Ukraine.
Trump ayaa dabada ka riixayay wada hadalada laba geesoodka ee Riyadh, oo looga hadlayo masiirka dal aan wax door ah ku lahayn miiska wada hadalka. Shirka ayaa sidoo kale ay labada dal doonayaan in ay ku hagaajiyaan xiriirkii iyo cilaaqaadkii labada dowladood.
Aqalka Cad ee Mareykanka iyo Aqalka Kremlin-ka ayaa labaduba bogaadiyay shirka Riyadh.
Kenya oo taageertay qorshe lagu kordhinayo maalgelinta Midowga Afrika
Kenya ayaa taageertay qorshe cusub oo lagu kordhinayo maalgelinta Midowga Afrika, si uu uga madax bannaanaado deeq bixiyeyaasha.
Shirkii wadatashiga ee Xasan Sheekh oo dib u dhac ku yimid
Shirkii wadatashiga qaran ee Xasan Sheekh ugu yeeray mucaaradka ayaa dib u dhac ku yimid.
Imaaraadka oo la sheegay inuu Turkiga ka codsaday
Imaaraadka ayaa la sheegay inuu Turkiga ka codsaday inuu gacan ka geysto wadahadallo uu la yeesho hoggaanka milatariga Suudaan.
