Muqdisho – Wasiiru Dowlaha Wasaaradda Gaashandhiga Soomaaliya, Cumar Cali Cabdi, iyo Taliye ku xigeenka Ciidanka Xoogga Dalka, S/Guuto Maday Nuurey Ufurow, ayaa maanta ku soo dhaweeyay garoonka Aadan Cadde Wasiirka Gaashaandhigga Boqortooyada Sweden, Pål Jonson, iyo wafdi uu hoggaaminayo.
Wafdiga Sweden ayaa booqasho rasmi ah ku yimid magaalada Muqdisho, halkaas oo Wasiirka Gaashaandhigga Sweden uu kulamo kula yeelan doono madaxda dowladda federaalka, oo uu ka mid yahay Wasiirka Gaashaandhigga, Axmed Macallin Fiqi.
Kulamada lagu wado inay dhacaan ayaa diiradda lagu saari doonaa xoojinta iskaashiga labada dal ee dhinaca difaaca iyo amniga, iyadoo la filayo in la isku afgartay tallaabooyin lagu adkeynayo taageerada ay Sweden siiso dowladda federaalka Soomaaliya, gaar ahaan horumarinta awoodda ciidamada qaranka.
Wararka Wararka24 ku hel marka hore Google. Riix badhanka, kadib calaamadee Wararka24.
+Kudar Wararka24 Google
