Wararka24: 7-02-2026: Safaaradda Jamhuuriyadda Federaalka Soomaaliya ee dalka Tanzania ayaa lagu wadaa inay dhowaan xarigga ka jarto dhisme cusub oo ku yaalla deegaanka Safiirka, kaas oo loogu talagalay in lagu horumariyo muuqaalka diblomaasiyadeed looguna xoojiyo adeegyada safaaradda.
Mas’uuliyiin ka tirsan safaaradda ayaa sheegay in dhismahani uu yahay kii labaad ee laga hirgeliyo muddada hal sano ah ee uu xilka hayo Danjire Ilyaas Cali Xasan. Waxay xuseen in bishii Juun ee sannadkii hore la daah-furay dhisme xafiiseed oo safaaradda ah, kaddib markii dib-u-dhis iyo qalabeyn lagu sameeyay.
Safaaradda ayaa sheegtay in mashruucyadan ay qeyb ka yihiin dadaallada lagu casriyeynayo xarumaha diblomaasiyadeed ee dibadda, si kor loogu qaado tayada adeegyada loo fidiyo muwaadiniinta Soomaaliyeed ee ku sugan Tanzania iyo guud ahaan Bariga Afrika.
Warar xaqiqda ku saleysan oo muhim ah kalasoco WARARKA24
