Wararka24: 2-02-2026 Madaxweynaha Maamul-goboleedka Puntland, Saciid Cabdullaahi Deni, ayaa shir jaraa’id oo uu qabtay si kulul uga hadlay is-hortaag la sheegay in Dowladda Federaalka Soomaaliya ku sameysay xildhibaanno laga soo doorto Puntland oo ku sii jeeday magaalada Garoowe.
Deni ayaa ku eedeeyay dowladda dhexe inay faragelin ku sameysay duulimaad ay saarnaayeen xildhibaannadaasi, isagoo arrinta ku tilmaamay fal sharci darro ah oo wax u dhimaya nidaamka dowladnimada.
Wuxuu sheegay in tallaabadaas uu gaarsiiyay hay’adaha caalamiga ah ee qaabilsan duulista, isla markaana ay qiimeyn ku sameyn doonaan khasaaraha ka dhashay.
“Waxaan aad uga xumahay in dowladdii Soomaaliyeed ay isku beddesho meel qofkii doono uu sida uu rabo uga taliyo. Tani waxay halis ku tahay dhismaha dowladnimada,” ayuu yiri Deni, isagoo intaas ku daray in waxa dhacay ay u arkaan afduub ka dhan ah mas’uuliyiin iyo shacab safar ku jiray.
Dhanka kale, Puntland ayaa ku dhawaaqday inay deegaannadeeda ka mamnuucday shirkadda Daallo Airlines, kadib markii ay ku eedeysay inay laba jeer khatar gelisay nolosha mas’uuliyiin iyo muwaadiniin.
War kasoo baxay Wasaaradda Duulista Hawada ee Puntland ayaa lagu sheegay in laga bilaabo 1-da Maarso 2026 laga laabtay ruqsaddii duulimaadyada shirkadda ee garoomada Puntland.
Ilaa iyo hadda, Dowladda Federaalka Soomaaliya kama aysan soo saarin jawaab rasmi ah oo ku saabsan eedeymaha iyo go’aanka kasoo baxay Puntland, iyadoo xiisadda siyaasadeed ee labada dhinac ay weli
