Madaxweyne Ku-xigeenka Puntland Ilyaas Lugatoor ayaa si rasmi ah uga furay Garoowe shir wadatashi ah oo ay Qurba Joogtu doorka weyn ku leeyihiin, iyo xiriirka rasmiga ah ee ay la leeyihiin dowladda. Shirkan ayaa socon doona laba maalmood.
Madaxweyne Ku-xigeenka Maamulka Puntland, Mudane Ilyaas Cismaan Lugatoor, ayaa si rasmi ah uga furay magaalada Garoowe Shirweynaha Wadatashiga Qurba Joogta Puntland, kaas oo socon doona muddo laba cisho ah.
Shirkan ayaa waxaa soo qabanqaabisay Wasaaradda Qorsheynta, Horumarinta Dhaqaalaha iyo Iskaashiga Caalamiga ah ee Puntland, iyadoo diiradda lagu saarayo dejinta siyaasadda rasmiga ah ee Qurba Joogta, si loo xoojiyo xiriirka iyo wadashaqeynta ka dhaxeysa Maamulka iyo qurba joogta.
Madaxweyne Ku-xigeenka ayaa uga mahadceliyey Qurba Joogta kaalintooda muuqata ee ay ka qaateen hawlgalka lagu ciribtirayo argagixisada Daacish ee Hilaac. Waxa uu sidoo kale ku dhiirrigeliyey inay sii xoojiyaan taageeradooda, isla markaana ay maalgashi muuqda ku sameeyaan gudaha dalka.
Shirka oo ay ka qeybgalayaan qurba joogta dalka ku sugan iyo masuuliyiin ka tirsan Maamulka, ayaa lagu wadaa in lagu soo saaro talooyin iyo siyaasad mideysan oo lagu horumarinayo doorka Qurba Joogta ee horumarinta gobolka.
Wararka24 – Xog rasmi ah oo faahfaahin degdeg ah
Dagaal culus oo ka qarxay Baydhabo maanta
ShareWararka24: Dagaal culus ayaa maanta oo Isniin ah ka qarxay magaalada Baydhabo, kaddib markii ciidamada taabacsan madaxweynihii hore ee maamulka Koonfur Galbeed, Cabdicasiis Xasan Maxamed Lafta-Gareen, ay weerar ku qaadeen magaalada, sida ay sheegayaan wararka laga helayo deegaanka. Dagaalka ayaa dhexmaray ciidamadaas iyo kuwa dowladda Federaalka Soomaaliya iyo maamulka Koonfur Galbeed. Iska horimaadka ayaa billowday aroortii hore, waxaana la adeegsaday hub culus iyo rasaas, iyadoo dhawaqa qaraxyada laga maqlayay qaybo ka mid ah magaalada. Dagaalka ayaa sababay khasaare la soo sheegay inuu soo gaaray dhinacyada dagaallamaya iyo dadka rayidka ah, hase yeeshee lama hayo tiro rasmi ah oo la xaqiijiyay…
Lix askari oo ku dhintay laba qarax oo ka dhacay duleedka Baydhabo
Ugu yaraan lix askari oo ka tirsan Ciidanka Xoogga Dalka Soomaaliyeed ayaa ku dhintay, saddex kalena way ku dhaawacmeen kadib laba qarax oo siyaabo kala duwan loogu beegsaday duleedka magaalada Baydhabo ee xarunta gobolka Baay.
Dowladda Soomaaliya oo ciidamo badan u dirtay Buurhakaba
Dowladda Federaalka Soomaaliya ayaa la sheegay inay in ka badan 100 gaari oo milatari ah u dirtay dhanka degmada Buurhakaba ee gobolka Baay, iyadoo la sheegay in halkaas laga abaabulayo howlgallo ka dhan ah Al-Shabaab iyo ciidamada taabacsan madaxweynihii hore ee Koonfur Galbeed, Cabdicasiis Xasan Maxamed Laftagareen.
