Wararka24: Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta Madaxtooyada Qaranka ku qaabilay wafdi ka socday dowladda Turkiga oo uu hoggaaminayay Wasiirka Tamarta iyo Khayraadka Dabiiciga ee dalkaas Mudane Alparslan Bayraktar. Kulankan ayaa qeyb ka ahaa dadaallada lagu xoojinayo xiriirka labada dal.
Intii uu socday kulanka, labada dhinac waxay diiradda saareen horumarinta iskaashiga istaraatiijiga ah ee u dhexeeya Soomaaliya iyo Turkiga, gaar ahaan dhinacyada tamarta, khayraadka dabiiciga ah iyo dhaqaalaha buluugga. Mas’uuliyiinta ayaa isla gartay muhiimadda ay leedahay in la kordhiyo maalgashiga iyo wada shaqeynta labada dal.
Madaxweynaha ayaa sheegay in iskaashiga tamarta uu gaaray heer horumar leh, isagoo tilmaamay in fursado cusub ay u furmeen dalka. Wuxuu xusay in howlaha la xiriira sahminta iyo soo saarista khayraadka dabiiciga ah ay door weyn ka qaadan doonaan koboca dhaqaalaha iyo shaqo abuurka.
Sidoo kale, Madaxweyne Xasan Sheekh Maxamuud ayaa hoosta ka xarriiqay in iskaashiga Turkiga uu yahay mid istaraatiiji ah oo sii xoojinaya horumarka Soomaaliya. Wuxuu tilmaamay in dowladda ay ka go’an tahay ka faa’iideysiga khayraadka dalka si loo taageero horumarka guud.
Dhankiisa, Wasiir Alparslan Bayraktar ayaa uga mahadceliyay dowladda iyo shacabka Soomaaliyeed soo dhoweynta diirran ee loo sameeyay wafdigiisa. Wuxuu sheegay in mashruucyada tamarta ee socda ay muujinayaan sida ay u miro dhalayaan qorshayaasha iskaashi ee labada dal.
Wasiirka ayaa sidoo kale tilmaamay in howlaha markabka Cagri Bay ay astaan u yihiin bilow cusub oo ku aaddan horumarinta khayraadka dabiiciga ah ee Soomaaliya. Wuxuu caddeeyay in Turkiga uu sii wadi doono taageerada uu siiyo Soomaaliya si loo gaaro yoolalka horumarineed ee la hiigsanayo.
Wasiirka ayaa sidoo kale sheegay in qodista shidalka ay billaban doonta ayna ka maradalin doonan shidalda somaaliya ee shacabka wax badan rajeynayeen isla markaaana ay wax kabadali doonta dhaqalaha somaaliya. markabka Cagri Bay aya muujinaya bilawga howlgalka qodista shidalka tas oo ka dhigan horumar xaga tamarta iyo Dhaqalaha somaaliya.
DAAWA
