Wararka24: Wasiirka Gaashaandhigga Soomaaliya Axmed Macallin Fiqi iyo Taliyaha Ciidanka Xoogga Dalka S Guuto Ibraahim Maxamed Maxamuud ayaa maanta booqday fariisimo ay ciidamada ku leeyihiin magaalada Baydhaba.
Booqashadan ayaa qayb ka ah kormeerro lagu ogaanayo xaaladda ciidanka iyo dardargelinta howlgalada amniga ee ka socda deegaannada dalka.
Masuuliyiinta ayaa kulan la yeeshay saraakiisha ku sugan Baydhaba, iyagoo sidoo kale si toos ah ula hadlay askarta ciidamada.
Waxay bogaadiyeen geesinimada iyo naf hurnimada ay muujiyeen ciidamada, gaar ahaan howlgaladii lagu furay waddada muhiimka ah ee isku xirta Muqdisho iyo Baydhaba.
Wasiirka iyo Taliyaha ayaa sheegay in dowladda ay sii wadi doonto xoojinta howlgalada lagu sugayo amniga iyo la dagaallanka kooxaha hubeysan.
