Wararka24: Magaalada Baydhaba ee xarunta gobolka Baay ayaa maanta si rasmi ah uga bilaabatay doorashada hoggaanka Koonfur Galbeed, xilli ay weli diidan tahay Dowladda Federaalka Soomaaliya.
Xildhibaannada cusub ee Baarlamaanka saddexaad ayaa maanta dib u doortay guddoomiyaha golaha, iyadoo xilkaasi mar kale loo doortay Cali Siciid Fiqi, sida ay shaaciyeen guddiga doorashooyinka maamulka.
Sidoo kale, Shamsa Maxamed Yarow ayaa loo doortay guddoomiye ku xigeenka labaad, kadib markii ay ka adkaatay Jamaala Axmed Xuseen.
Guddiga doorashooyinka ayaa soo saaray jadwal cusub oo lagu dedejinayo doorashada madaxweynaha, taas oo la qorsheeyay in la qabto inta u dhexeysa 28 ilaa 30ka Maarso.
Madaxweyne Cabdicasiis Lafta-gareen ayaa la filayaa inuu mar kale u tartamo xilka, isaga oo hore u qaatay shahaadada musharraxnimo.
Dhanka kale, mucaaradka Koonfur Galbeed iyo Dowladda Federaalka ayaa si cad uga soo horjeeda doorashadan, iyadoo dhaq dhaqaaqyo ciidan ay ka socdaan degmada Buurhakaba.
Wararka ayaa sheegaya in ciidamo ku wajahan Baydhabo ay doonayaan inay hor istaagaan doorashada, taas oo sii kordhinaysa xiisadda siyaasadeed.
Xaaladda ayaa weli kacsan, iyadoo laga cabsi qabo in ay isku beddesho iska horimaad ciidan.
DAAWA
