Wararka24: 7-02-2026: Madaxweynaha Jamhuuriyadda Federaalka Soomaaliya, Xasan Sheekh Maxamuud, iyo wafdi uu hoggaaminayo ayaa gaaray magaalada Doha ee caasimadda dalka Qatar, halkaas oo si diirran loogu soo dhaweeyay.
Inta uu joogo Qatar, Madaxweynaha ayaa kulammo la yeelan doona mas’uuliyiin ka tirsan dowladda Qatar, kuwaas oo diiradda lagu saari doono xoojinta iskaashiga dhinacyada amniga, dhaqaalaha iyo siyaasadda.
Ilo diblomaasiyadeed ayaa sheegay in kulamadaasi ay sidoo kale taaban doonaan taageerada Qatar ee dadaallada dib-u-dhiska iyo xasillinta Soomaaliya.
Safarka Madaxweynaha ayaa qayb ka ah booqashooyin shaqo oo uu ku marayo dalal ka mid ah gobolka iyo caalamka, isaga oo xooga saaraya adkeynta xiriirka diblomaasiyadeed, horumarinta danaha qaranka, iyo xoojinta dadaallada lagu ilaalinayo midnimada iyo madax-bannaanida Jamhuuriyadda Federaalka Soomaaliya.
Warar xaqiqda ku saleysan oo muhim ah kalasoco WARARKA24
