Wararka24: 27-01-2026 Dowladda Federaalka Soomaaliya ayaa sheegtay in dhammaan alaabihii laga saaray bakhaar ku yaallay Dekedda Muqdisho dib loogu celiyay Hay’adda Cuntada Adduunka (WFP), kaddib muran ka dhashay burburinta bakhaarkaasi oo la xiriirtay ballaarinta dekedda.
Bayaan ay soo saartay, dowladdu waxay xaqiijisay in alaabtaasi si buuxda u heshay WFP, islamarkaana aan wax khasaare ah gaarin, si loo hubiyo in gargaarka bani’aadantinimo ee loogu talagalay shacabka Soomaaliyeed uusan hakad gelin.
Dowladda Federaalka ayaa sheegtay inay qaadatay mas’uuliyadda dhacdada, kuna tilmaantay mid nasiib-darro ah, iyadoo muujisay ina ka xuntahay ayna ballanqaadi in ay mar kale dici doonin.
Si loo fududeeyo hawlaha gargaarka, dowladda ayaa WFP siisay bakhaar cusub oo ka weyn kana habboon kii hore, kaas oo ku yaalla gudaha aagga Dekedda Muqdisho, islamarkaana leh awood kaydin oo sareysa.
Bakhaarka cusub ayaa lagu sheegay inuu ka caawin doono WFP maareyn hufan oo ku saabsan kaydinta iyo qaybinta gargaarka, gaar ahaan xilliyada baahida bani’aadantinimo ay kordhayso.
Dowladdu waxay sidoo kale sheegtay inay dib u eegi doonto hababka isuduwidda iyo isgaarsiinta ay la leedahay hay’adaha caalamiga ah, si looga hortago dhibaatooyin la mid ah wixi dacay inay mustaqbalka markala dhacaan, iyadoo mar kale ku celisay sida ay uga go’an tahay mabaadi’da gargaarka bani’aadantinimo iyo wada-shaqeynta WFP iyo deeq-bixiyeyaasha caalamiga ah
