Trump ayaa ku andacoonaya in aanu filaynin in Putin uu ka qayb galo wada-hadallada uu Ukraine kula yeelanayo Turkiga
Madaxweyne Mareekanka Donald Trump ayaa Khamiistii sheegay in uusan ka niyad jabin warka sheegaya in madaxweynaha Ruushka Vladimir Putin uusan ka qeybgali doonin wadahadallada Ukraine uu kula yeelanayo Turkiga toddobaadkan, isagoo ku andacoonaya inuusan fileynin in Putin uu ka qeyb galo wadahadallada uu hoggaamiyaha Ruushka laftiisa soo jeediyay
Afhayeenka Kremlin-ka Dmitry Peskov ayaa sheegay Khamiista in Putin uusan ka qeybgali doonin wadahadallada tooska ah, waxaa markii ugu horreysay soo jeediyay Putin oo ka jawaabaya ay Goaan-ka xabbad-joojinta ama cunaqabataynta oo ay saareen xulafada Yurub iyo mareekanka..
Qoraal xigay oo uu soo dhigay baraha bulshada, Trump wuxuu ugu baaqay madaxweynaha Ukraine Volodymyr Zelensky “Kulanka la yeelo, hadda! Qoraalka trump ayaa u dhignaa.
Madaxweyne Putin-ka Ruushka ma doonayo in uu heshiis xabbad-joojin ah la galo Ukraine, balse waxa uu doonayaa in uu ku kulmo Khamiista, Turkiga, si uu ugala xaajoodo suurtagalnimada joojinta DHIIGA. Ukrain waa inay ogolaato tan, isla markaana. Ugu yaraan waxay awood u yeelan doonaan inay go’aamiyaan in heshiisku suurtogal yahay iyo in kale, haddii aysan sidaas ahay-na, hoggaamiyeyaasha Yurub, iyo Maraykanku, waxay ogaan doonaan halka ay wax walba taagan yihiin, waxayna u socon karaan si waafaqsan! Waxaan ka shakisanahay in Ukraine ay heshiis la geli doonto Putin, kaasoo aad ugu mashquulsan inuu u dabaal-dego Guusha Dagaalkii labaad ee Adduunka, kaas oo aysan ku guuleysteen Maraykanka la-aantiis. SHIRKA HADA, HADA!!! ayuu soo qoray trump!
Shalay Trump waxa uu weriyayaasha ugu sheegay Qatar in “uusan filaynin” ka qaybgalka Putin markii la waydiiyay in uu ka niyad jabay maqnaanshaha madaxweynaha Ruushka ee wada-hadallada soo socda.
trump wuxuu yiri “Maya, ma aanan fileyn (Putin inuu tago), dhab ahaantii waxaan idhi, ‘Muxuu u tagi turkiga putin hadaan aniga (trump) tagin?’ ‘Uma maleynayo inuu tagi doono haddaanan tegin.’ Taasina waxay noqotay Run, ayuu yidhi.
Isaga oo hadalkiisa sii wata ayuu yidhi, “Uma malaynayn in ay suurtogal tahay in Putin uu tago haddii aanan halkaas joogin”.
