Wararka24: Waxaa saaka xeebta magaalada Muqdisho soo gaaray markabka qodista shidaalka Soomaaliya ee Çağrı Bey, kaas oo ka soo shiraacday dalka Turkiga.
Markabkan ayaa la filayaa inuu qeyb ka noqdo dadaallada dowladda ee lagu dardargelinayo sahminta iyo soo saarista shidaalka dalka.
Madaxda qaranka ayaa la filayaa inay ka qeyb galaan munaasabad lagu soo dhoweynayo markabkan iyo kuwa kale ee la socda.
Wararka ayaa sheegaya in markabkan uu toddobaadka soo socda u jihaysan doono xeebaha Galmudug, halkaas oo horey looga sameeyay sahanno shidaal.
Tallaabadan ayaa loo arkaa mid muhiim ah oo muujinaysa horumar dhinaca ka faa’iidaysiga khayraadka dabiiciga ah ee dalka.
Sidoo kale, waxaa la filayaa inay kor u qaaddo rajada laga qabo kobaca dhaqaalaha iyo horumarinta mustaqbalka Soomaaliya.
