Wararka24: 18-02-2026 Wasaaradda Shaqada iyo Arrimaha Bulshada ee Soomaaliya ayaa shaacisay in wax ka beddel lagu sameeyay saacadaha shaqada ee hay’adaha dowladda inta lagu jiro Bisha Barakeysan ee Ramadhan.
Wasaaraddu waxay sheegtay in go’aankan lagu saleeyay tixgelinta xurmada iyo fadliga bisha Ramadan, si loo fududeeyo waajibaadka cibaadada ee shaqaalaha Muslimiinta.
Waxa ay sidoo kale hambalyo u dirtay dhammaan shaqaalaha Soomaaliyeed iyo guud ahaan Ummadda Muslimiinta munaasabadda bilashada bisha barakeysan.
Sida ku cad ogeysiiska rasmiga ah ee Wasaaradda, saacadaha shaqada ayaa laga dhigay 09:00 subaxnimo ilaa 03:00 galabnimo inta lagu jiro bisha Ramadan, iyadoo la rajeynayo in hay’adaha dowladda ay si buuxda u dhaqan geliyaan nidaamkan cusub.
