Wararka24: 5-02-2026: Dr. Cabdullaahi Cabdi Sheekh oo ka faallooda siyaasadda caalamka, Madaxweyne Cabdiraxmaan Maxamed Cabdillaahi Cirro dadkii uu kula kulmay Davos kuligood calaamatu su’aal ayaa saaran, Israail waxay u socotaa Baabulmandab iyo in goob dagaal laga dhigo gobolka, balse dowladda Soomaaliya waxay heysaa waddadii ay uga hortegi laheyd qorshahaas halista ah.
Dr. Cabdullaahi Cabdi Sheekh, oo ah falanqeeye ku xeel dheer siyaasadda caalamka, ayaa ka faallooday arrimaha gobolka iyo kulammo diblomaasiyadeed oo dhawaan ka dhacay Davos ee ku sabsan Cirro, isagoo wareysi siiyay telefishinka qaranka ee SNTV.
Dr. Cabdullaahi ayaa sheegay in kulammadii uu Davos kula yeeshay Madaxweyne Cabdiraxmaan Maxamed Cabdillaahi (Cirro) ay jiraan su’aalo ku saabsan ujeeddooyinka iyo saameynta kulammadaas, isaga oo xusay in isbeddellada ka socda Bariga Dhexe iyo Badda Cas ay saameyn ku yeelan karaan gobolka Geeska Afrika.
Wuxuu intaas ku daray in xiisadaha ka jira marin-biyoodka Baabul-Mandab ay kordhinayaan khataraha amni ee gobolka, isla markaana ay jirto baahi loo qabo in Soomaaliya ay qaadato tallaabooyin diblomaasiyadeed iyo kuwo amni oo ka hortag ah, si loo ilaaliyo danaha qaranka.
Mas’uuliyiinta dowladda Soomaaliya ayaan weli ka hadlin hadalladan, balse falanqeeyayaal kale ayaa tilmaamay in xaaladda amni ee gobolka ay u baahan tahay wada-shaqeyn caalami ah iyo qorshe istiraatiiji ah oo ay ku lug leeyihiin dalalka Geeska Afrika.
