Hargeysa – Hobolka caanka ah ee Cabdikariin Cali Shaah, oo bilihii u dambeeyay ku xidhnaa xabsiyada Somaliland, ayaa maanta dib u helay xorriyaddiisa kadib markii loo fidiyay cafis madaxweyne.
Fannaanka, oo hore loogu xukumay laba sano oo xarig ah, ayaa sida ay wararku sheegayaan ka mid noqday maxaabiista loo oggolaaday in ay ka faa’iidaystaan cafiska. Arrintan ayaa u noqotay fursad uu kaga soo baxay xabsi uu ku dhamaysan lahaa muddo dheer.
Xorriyadda uu helay Cabdikariin Cali Shaah ayaa lagu soo dhaweeyay baraha bulshada, iyadoo dad badan oo taageerayaashiisa ahi ay ku farxeen go’aanka cafiska ee lagu siidaayay fannaan caan ka ah bulshada Soomaaliyeed.
