Haweeney u dhalatay Iran oo 56 sano jir ah ayaa maanta la hor-keenay maxkamad ku taalla dalka Iran, iyada oo lagu eedeeyey dilka 11 nin oo ay guursatay muddo 22 sano gudahood.
Kulthum Akbari ayaa qirtay inay ku dishay 11 nin oo ay guursatay si ay u dhaxasho lacagtooda iyo hantidooda. Warbaahinta Iran waxay ku magacdarayaan “Black Widow” oo micnaheedu tahay carmalka madow.
Qorshaheeda dilalka ayaa bilaabmay sanadkii 2000-kii. Waxay bartilmaameedsatay rag da’da weyn, ka dibna si tartiib tartiib ah ugu sumaysay dawo isku qasan.
Dawada ay isticmaali jirtay waxaa ka mid ahaa kuwa sokorow-dhiigga, kicinta, iyo alkoolka warsheedaha. garsoorka dacwadda ayaa sheegay in Akbari ay aad u xirfad weyn u lahayd inay falkeedeeda dilka ah qariso.
Dadka badankood waxay u muuqdeen inay ku dhinteen sababo dabiici ah oo la xiriira da’dooda iyo cudurrada aan la daaweynin. Tani ayaa u ogolaatay inay sii waddo dilalka muddo dheer iyada oo aan haba yaraate laga shakinin.
Nin keeda ugu dambeeyey, Azizollah Babaei, ayaa dhintay sanadkii 2023. isla markiiba waxaa shakiyey wiilkiisa taas oo keentay in ay baaritaan bilaabaan booliska oo ugu dambeyntii keentay in la xiro Akbari.
Akbari ayaa ugu danbeyn qiratay inay dishay 11 nin oo ay isku dayday inay mid kale disho.Garsoorayaashu waxay sheegeen inay si taxaddar leh u qorsheysay dil kasta.
waxaa lag eedeyey oo maxkamada lakeenay inay dishay 11 qof, halka ay sidoo kale isku dayday qof kale, 45 qof ayaa dacwad ka xareeyey duqda
Guud ahaan Intii lagu guda jiray dhageysiga maxkamadda, afar qoys oo kamid ah ragii ay dhishay ayaa ka dalbaday maxkamada in Akbari lagu xukumo dil. Kiiska ayaa noqday mucjiso caalamka dhan uu layaabay isagoo soo jiitay dareenka dadka iyo warbaahinta Iran iyo guud ahaan kuwa caalamiga ah. xigasho Gulf News
