Wararka24: Ciidamada ammaanka ee Puntland oo Gacanta Ku Dhigtay Lacag ay Leedahay Daacish, ciidamada oo weli ka howlgalaya gobolka Bari, gaar ahaan aagga buuraleyda Calmiskaad, ayaa shaaca ka qaaday inay gacanta ku dhigeen lacag tiro badan oo ay lahayd kooxda Daacish.
Saraakiil sar sare oo ka tirsan ciidamada Puntland ayaa sheegay inay qabteen teleefoonno lacago badan oo ay ku heysatay xubnaha Daacish, ka dib markii laga qabsaday saldhigyo muhiim ah oo ku yaalla gobolka Bari.
Lacagaha ay Puntland oo gacanta ku dhigtay ayaa laga helay teleefannada xubno laga dilay kooxda Daacish.
Markii la baaray teleefannada, waxaa laga helay lacago gaareysa illaa 180 kun oo doollar. Saraakiisha ciidamada ayaa shaaca ka qaaday inay Puntland oo gacanta ku dhigtay lacagahan, balse ma bixin faah-faahin dheeraad ah oo ku saabsan halka ay lacagtaas kasoo gashay iyo qofka sida gaar ah u maamulayay.
Howlgallada ciidamada Puntland ayaa weli sii socda, iyadoo jab culus lagu gaarsiiyay kooxda Daacish. Waxaa la sheegay in ciidamadu ay ku laayeen xubno badan oo ka tirsan kooxda, iyagoo ka qabsaday saldhigyo ku yaalla gobolka Bari.
Puntland ayaa bishii December ku dhawaaqday dagaal culus oo ka dhan ah maleeshiyaadka Daacish, waxaana ay sheegtay in tan iyo xilligaas ay dishay in ka badan 100 oo xubnood, kuwaas oo u badan ajaanib. Garabka Daacish ee Soomaaliya ayaa sanadihii u dambeeyay noqday qayb muhiim ah oo ka mid ah shabakadda caalamiga ah ee Daacish.
Iyadoo lagu qiyaasayo tiradooda inay u dhexeyso 700 ilaa 1,500 oo dagaalyahanno ah, garabka Daacish ee Soomaaliya ayaa sanadihii la soo dhaafay kobcay, sababo la xiriira kusoo biirista dagaalyahanno ajnabi ah iyo kororka dakhliga dhaqaale. Si kastaba ha ahaatee, maleeshiyaadkan ayaa weli aad uga yar kooxda Al-Shabaab, oo gacanta ku haysa qaybo ballaaran oo ka mid ah koonfurta iyo bartamaha Soomaaliya.
Xamse Cabdi Oo manta u Safray Shiinaha, Maxa Cusub?
ShareRa’iisul Wasaaraha Soomaaliya Xamse Cabdi Barre ayaa maanta ku wajahan dalka Shiinaha, safar lagu sheegay inuu qayb ka yahay dadaallada lagu xoojinayo xidhiidhka labada dal. Socdaalkan ayaa ka duwan booqashooyinkii hore ee madaxda Soomaaliya ay ku tegi jireen Beijing, maadaama uu ku soo beegmayo xilli ay kordheen walaaca ay wadaagaan Soomaaliya iyo Shiinaha ee ku…
Wasiirada Ciyaaraha Puntland Oo Sheegtay Inaysan Tahriibin?
ShareWasiirada Ciyaaraha ee maamulka Puntland ayaa xaqiijisay inay haatan ku sugan tahay dalka Germany, iyadoo sheegtay in safarkeeda uu la xiriiro xaalad caafimaad. Bayaan ay soo saartay Wasiiradu, ayaa lagu caddeeyay in safarkeeda aanu ahayn mid tahriib ah, sida ay baraha bulshada qaar ku faafiyeen, balse uu ku saabsan yahay arrimo caafimaad oo ay u…
Dr. adan Musharraxii Garabka Firdhiye oo ku guulaystay GuddoomIyaha baarlamaanka GWB
ShareDr. Adan Cabdullahi Awxasan ayaa maanta ku guuleystay xilka Guddoomiyaha Baarlamaanka maamulka Waqooyi-Bari, kadib doorasho xiiso badan oo ay si weyn isugu heysteen garabyada siyaasadda gobolka. Dr. Adan oo kasoo jeeda beesha Hawiye, Cayr, Fiqishini, ayaa ahaa musharrax si toos ah ay u taageerayeen Dowladda Federaalka Soomaaliya iyo garabka uu hoggaamiyo Madaxweyne Firdhiye. Guushiisa…
