Madaxweynihii hore ee Soomaaliya, Shariif Sheekh Axmed, ayaa si adag u cambaareeyay dagaalka ka dhacay xaafadda Horseed ee degmada Hodan, kaas oo loo adeegsaday ciidanka xoogga dalka. Shariif ayaa sheegay in weerarkaasi sababay dhimashada dad rayid ah iyo burburinta guryo ay ku nool yihiin dad danyar ah.
“Waxaa ayaan darro ah in Madaxweyne Xasan Sheekh Maxamuud, oo dalka u dhaartay inuu ilaaliyo nafta iyo maalka muwaadinka, uu kusoo hoos noqdo weerarro uu ku fulinayo ciidanka qaranka,” ayuu yiri Shariif. Wuxuu intaas ku daray in ciidamada Soomaaliyeed loo dhisay inay difaacaan dalka iyo shacabka, balse aan loo adeegsan dhulboob, cabburin bulsho ama dano siyaasadeed.
Madaxweynihii hore ayaa ugu baaqay Madaxweyne Xasan Sheekh in si degdeg ah loo joojiyo dagaalka uu ku tilmaamay mid xaq-darro ah oo aan wax dan ah ugu jirin dalka iyo shacabka. Sidoo kale, wuxuu uga digay saraakiisha ciidamada inay qaataan amarro sharci-darro ah oo ka hor imanaya waajibaadka ay u dhaarteen
