LAASCAANOOD — Booliska SSC-Khatumo ayaa xiray shabakad dadka tahriibin jirtay oo muddo dheer ka shaqaynaysay magaalada Laascaanood.
Shabakadan ayaa xiriir la lahayd kooxo ku sugan Libya. Waxay tahriibinaysay dhalinyarada deegaanka.
Maxamed Jaamac Xaashi oo 25 jir ah ayaa la xiray. Wuxuu ahaa qofka ugu weyn ee shabakada. Wuxuu dhalinyarada ka qaadi jiray Laascaanood oo geyn jiray Libya.
Laba qof oo kale ayay booliska raadinayan. Waa Cabdulkariim Jaamac Xaashi oo Tripoli jooga iyo Aamina Axmed Jaamac oo ah hooyadood.
Aamina ayaa ahayd qofka lacagaha qaada. Waxay haysatay account lagu keydiyo lacagaha tahriibka.
Booliska ayaa helay $4,500 oo hal dhalinyaro laga qaatay. Waxay sheegeen in cadeymo kale ay ku hayaan.
Taliska ayaa dadka ka codsaday inay soo sheegaan wixii xog ah oo ku saabsan shabakadan. Waxay rabaan inay qabtaan xubnaha kale ee ka baxsaday.
Tahriibku wuxuu khatar weyn ku yahay dhalinyarada SSC-Khatumo. Qaar badan ayaa ku dhintay safarka Libya.
