Wararka24: Madaxweynaha Masar Abdel Fattah El-Sisi ayaa Arbacadii sheegay in dadaallada milatari ee Masar ay ku difaacayso Sacuudi Carabiya ay ku koobnaan doonaan ilaalinta dhulka iyo xuduudaha boqortooyada, isla markaana aysan ku lug yeelan doonin weerar ka dhan ah Yemen, sida lagu sheegay hadal ka soo baxay madaxtooyada Masar.
Munaasabad ay dowladda soo qabanqaabisay oo lagu magacaabo Egypt Forum 2026, ayuu Sisi khudbad uu jeedinayay ku yiri “Waxaan ka hadlaynaa difaaca dhulka iyo xuduudaha boqortooyada, Ma sababi doono xasillooni-darro dheeraad ah oo ka dhacda dalalka kale.”
Sisi ayaa hadalkan jeediyay intii lagu jiray kalfadhi ku saabsan amniga qaranka iyo muwaadiniinta maalintii saddexaad ee Madasha Masar ee 2026, sida lagu sheegay bayaanka.
Sisi oo sheegay in dhamaan dulka carabta ay difaaci doonan
Sisi ayaa intaa ku daray in Masar ay sidoo kale difaaci doonto dhulka dal kasta oo kale oo Carab ah “haddii la codsado,” isagoo carabka ku adkeeyay in dadaallada militariga Masar aysan ka gudbi doonin xuduudaha Masar ama kuwa dalka ay difaaci doonto.
“Amniga Carabta lama qaybin karo,” ayuu yiri Sisi, isagoo carabka ku adkeeyay in xasilloonida dalalka Khaliijka ay tahay arrin muhiim u ah amniga qaranka Masar.
baarlamaanka masar oo dib u digay ansixinta
Sabtidii, Sisi wuxuu ugu baaqay baarlamaanka inay ansixiyaan taageerada milatari ee suurtagalka ah si loo difaaco Sacuudi Carabiya haddii la codsado. Baarlamaanka Masar ayaa isugu yimid Axaddii iyo Isniintii ka hor inta uusan go’aansan in dib loo dhigo codbixinta ilaa Oktoobar 26.
Horumarkan ayaa yimid iyadoo ay sii kordhayaan colaadaha u dhexeeya Xuutiyiinta iyo Sacuudi Carabiya, iyadoo labada dhinac ay is dhaafsadeen duqeymo maalmihii la soo dhaafay.
