Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa xilka ka qaaday Lataliyaha Madaxweynaha ee Xiriirka Dowlad-goboleedyada, Mudane Maxamed Xasan Ibraahim (Qoone).
Warkaan maanta kaso baxay Villa Somalia ayaa lagu yiri
Madaxweynaha ayaa mar walba ka rajeynayaa masuuliyiinta uu u magacaabo xilalka sare ee Qaranka inay si wada jir ah uga qayb qaataan horumarka iyo midnimada dalka. Wuxuu tilmaamay inay waajib ku tahay inay waajibaadkooda u gudanayaan si hufan, daacadnimo leh, iyagoo u hoggaansanaya mas’uuliyadda ka dhalata xilalka ay hayaan.
Madaxweyne Xasan Sheekh Maxamuud ayaa uga mahadceliyay Mudane Maxamed Xasan Ibraahim (Qoone) muddadii uu u soo shaqeeyay Qaranka, isagoo u rajeeyay mustaqbal wanaagsan.
📌 Wararka24 – Xog rasmi ah oo faahfaahin degdeg ah
